'ಕ್ರಿಕೆಟ್' ಎ೦ಬ ಕೀಟ
ಕ್ರಿಕೆಟ್ ಕೀಟದ ದ್ವನಿ ಎಲ್ಲರೂ ಕೇಳಿದವರೆ ಆಗಿರುತ್ತಾರೆ ಆದರೆ ಇದನ್ನು ನೋಡಿದವರು ಮತ್ತುಗುರುತಿಸುವವರು ಬಲು ಕಡಿಮೆ. ಮಿಡತೆಯ ಒ೦ದು ಪ್ರಭೇದಕ್ಕೆ ಸೇರಿದ ಕೀಟ ರಾತ್ರಿಯ ಸಮಯದಲ್ಲಿ ಏರುಸ್ವರದಲ್ಲಿ, ನಿರ೦ತರವಾಗಿ ದ್ವನಿ ಹೊರಡಿಸುವುದಕ್ಕೆ ಹೆಸರುವಾಸಿಯಾಗಿದೆ,
ENTOMOLOGY
Satish Naik
5/29/20231 min read
ಕ್ರಿಕೆಟ್ ಎನ್ನುವುದು ಒ೦ದು ಜನಪ್ರಿಯ ಕ್ರೀಡೆ. ಆದರೆ ಇಲ್ಲಿ ಹೆಳಹೊರಟಿರುವುದು ಕ್ರಿಕೆಟ್ ಎ೦ಬ ಕೀಟದ ಬಗ್ಗೆ. ಕ್ರಿಕೆಟ್ ಕೀಟದ ದ್ವನಿ ಎಲ್ಲರೂ ಕೇಳಿದವರೆ ಆಗಿರುತ್ತಾರೆ. ಆದರೆ ಇದನ್ನು ನೋಡಿದವರು ಮತ್ತುಗುರುತಿಸುವವರು ಬಲು ಕಡಿಮೆ. ಮಿಡತೆಯ ಒ೦ದು ಪ್ರಭೇದಕ್ಕೆ ಸೇರಿದ ಕೀಟ ರಾತ್ರಿಯ ಸಮಯದಲ್ಲಿ ಏರುಸ್ವರದಲ್ಲಿ, ನಿರ೦ತರವಾಗಿ ದ್ವನಿ ಹೊರಡಿಸುವುದಕ್ಕೆ ಹೆಸರುವಾಸಿಯಾಗಿದೆ.
'ಗಾಡಾ೦ಧಕಾರ, ನೀರವ ಮೌನ, ಅದನ್ನು ಸೀಳಿಕೊ೦ಡು ಬರುವ ಜೀರು೦ಡೆಗಳ ಸದ್ದುಗಳು' ಎನ್ನುವ ರಾತ್ರಿಯ ಕರಾಳತೆಯನ್ನು ವರ್ಣಿಸುವ ಸಾಲುಗಳನ್ನು ಕಥೆ ಕಾದ೦ಬರಿಗಳಲ್ಲಿ ಎಲ್ಲರೂ ಓದಿರುತೀರಿ ಇಲ್ಲವೆ ಯಾರಿ೦ದಲೋ ಕೇಳಿರುತ್ತೀರಿ. ಆ೦ಗ್ಲ ಭಾಷೆಯ ಕಥೆ, ಕಾದ೦ಬರಿ, ಕವನಗಳಲ್ಲಿ ಇವುಗಳ ಉಲ್ಲೇಖ ಜಾಸ್ತಿ. ಚಾರ್ಲ್ಸ್ ಡಿಕೆನ್ಸ್ ರ ' ದಿ ಕ್ರಿಕೆಟ್ ಆನ್ ದ ಹಾತ್'( The Cricket on the Hearth) ಮತ್ತು ಜಾರ್ಜ್ ಸೆಲ್ಡನ್ ರ 'ದಿ ಕ್ರಿಕೆಟ್ ಇನ್ ಟೈಮ್ಸ್ ಸ್ಕೇರ್' (The Cricket in the Times Square) ಇ೦ತಹ ಕೆಲವು ಪ್ರಸಿಧ್ಧ ಪುಸ್ತಕಗಳು. ಈ ಕ್ರಿಕೆಟ್ ಕೀಟಗಳು ಮಿಡತೆಗಳ ಪ್ರಭೇದಕ್ಕೆ ಸೇರಿದ ಒ೦ದು ಕೀಟ. ಈ ಕೀಟಗಳಿಗೆ ರೆಕ್ಕೆಗಳಿದ್ದರೂ ಅವು ಹಾರಲು ಶಕ್ತವಾಗಿರುವುದಿಲ್ಲ. ಬದಲಾಗಿ ಬಹುದೂರಕ್ಕೆ ಜಿಗಿಯುತ್ತವೆ. ಇವುಗಳ ಹಿ೦ಗಾಲುಗಳು ಜಿಗಿಯುದ್ದಕ್ಕೆ ಯೋಗ್ಯವಾಗಿ ಮಾರ್ಪಟಾಗಿರುವುದೇ ಇದಕ್ಕೆ ಕಾರಣ.
ಈ ಕ್ರಿಕೆಟ್ ಗಳು ಆರ್ಥೊಪ್ಟೆರ ಎ೦ಬ ಕೀಟ ಪ್ರಭೇಧಕ್ಕೆ ಸೇರಿದ್ದು, ಪ್ರಪ೦ಚದ ಎಲ್ಲಾ ಕಡೆಯಲ್ಲಿಯೂ ಕ೦ಡುಬರುತ್ತವೆ. ಜನವಸತಿಯ ಪ್ರದೇಶಗಳಿ೦ದ ಹಿಡಿದು, ಕಾಡುಗಳು, ಮರಳುಗಾಡು, ಕೆಲವೊಮ್ಮೆ ನಿರ್ಜನ ದ್ವೀಪಗಳಲ್ಲಿಯೂ ಇವುಗಳು ಬೀಡುಬಿಟ್ಟಿರುತ್ತವೆ. ಈ ಕೀಟಗಳು ಇತರ ಸಣ್ಣ ಕೀಟಗಳನ್ನು, ಅವುಗಳ ಮೊಟ್ಟೆ, ಮರಿಗಳನ್ನು ತಿ೦ದು ಬದುಕುತ್ತವೆ. ಸಸ್ಯಗಳ ಎಲೆ, ಹೂ, ಹಣ್ಣುಗಳು ಇವುಗಳಿಗೆ ಆಹಾರವಾಗಿರುತ್ತವೆ. ಹಾಗೆಯೇ ಕಾಡಿನ ಅನೇಕ ಪ್ರಾಣಿ ಪಕ್ಷಿಗಳಿಗೆ ಇವು ಆಹಾರವಾಗಿರುತ್ತವೆ ಆಷ್ಟೇ ಏಕೆ ಥೈಲ್ಯಾಂಡ್ ಮತ್ತು ಕೆಲವು ದೇಶಗಳಲ್ಲಿ ಇವುಗಳನ್ನು ಜನರೇ ಆಹಾರವಾಗಿ ಉಪಯೋಗಿಸುತ್ತಾರೆ. ಕೆಲವು ದೇಶಗಳಲ್ಲಿ ಇವುಗಳಿ೦ದ ತಯಾರಿಸಿದ ಹುಡಿಯನ್ನು ಸಾಕುಪ್ರಾಣಿಗಳ ಆಹಾರಕ್ಕೆ ಬೆರಸಿ ಉಪಯೋಗಿಸುತಾರೆ.
ಕ್ರಿಕೆಟ್ ಗಳು ಹಗಲು ಹೊತ್ತಿನಲ್ಲಿ ಯಾರಿಗೂ ಕಾಣಿಸದ೦ತೆ ಅವಿತಿದ್ದು, ರಾತ್ರಿಯ ಸಮಯದಲ್ಲಿ ಹೆಚ್ಚು ಚಟುವಟಿಕೆಗಳಿ೦ದ ಕೂಡಿರುತ್ತವೆ. ಮರದ ಪೊಟರೆಗಳು, ಪೊದೆಗಳು, ಗೊಡೆಯಲ್ಲಿನ ಬಿರುಕುಗಳು, ಕೆಲವೊಮ್ಮೆ ಮಣ್ಣಿನ ಅಡಿಯಲ್ಲಿ, ಸಮುದ್ರ ತೀರದ ಮರಳು, ಹುಲ್ಲುಗಾವಲು ಮು೦ತಾದವುಗಳು ಇವುಗಳ ಅಡಗುದಾಣಗಳಾಗಿರುತ್ತವೆ. ಕೆಲವೊಮ್ಮೆ ಇವುಗಳು ಮನೆ ಒಳಗೆ ಸೇರಿಕೊಳ್ಳುವುದು ಇದೆ. ಆಗ ಅವುಗಳು ಎಡೆಬಿಡದೆ ಹೊರಡಿಸುವ ಏರು ದ್ವನಿಯ ಶಬ್ದ(ಕಿರ್... ಒ೦ದೇ ಸವನೆ ಕೇಳಿಬರುವ ಶಬ್ದ, ಕಿರುಗುಟ್ಟುವಿವಿಕೆ ಅನ್ನಬಹುದೇನೊ) ನಿದ್ರಾಬ೦ಗಕ್ಕೆ ಕಾರಣವಾಗುತ್ತದೆ. ಹಾಗೆ ನೊಡಿದರೆ ಈ ಕೀಟದ ಗಾತ್ರಕ್ಕೂ ಅದು ಹೊರಡಿಸುವ ಸದ್ದಿಗೂ ಸ್ವಲ್ಪವೂ ಹೋಲಿಕೆಯಗುವುದಿಲ್ಲ. ಈ ಕೀಟಗಳು ಹೆಚ್ಚೆ೦ದರೆ 4 ರ್೦ದ 5 ಸೆ.ಮೀ ನಷ್ಟು ಉದ್ದವಿರುತ್ತವೆ. ಹಾಗಾಗಿ ಸದ್ದು ಬ೦ದ ಕಡೆ ಹುಡುಕುತ್ತಾ ಹೊರಟರೆ ಅವುಗಳನ್ನು ಪತ್ತೆಮಾಡುವುದು ಸ್ವಲ್ಪ ಕಷ್ಟವೇ ಸರಿ. ಇವುಗಳ ಸಣ್ಣ ಗಾತ್ರ ಮತ್ತು ದೂರಕ್ಕೆ ಜಿಗಿಯುವ ಸಾಮರ್ಥ್ಯ ನಿಮ್ಮ ಶ್ರಮವನ್ನು ವ್ಯರ್ಥಗೊಳಿಸುವ ಸ೦ಭವವೇ ಹೆಚ್ಚು
'ಕ್ರಿಕೆಟ್' ಎ೦ಬ ಕೀಟ
ಇನ್ನು, ಇವುಗಳು ಸದ್ದು ಹೊರಡಿಸುವ ಬಗೆ ಮತ್ತು ಕಾರಣಗಳನ್ನು ತಿಳಿಯಹೊರಟರೆ ಸ್ವಲ್ಪ ವಿಚಿತ್ರವೇ ಅನ್ನಿಸಬಹುದು. ತನ್ನೆರಡು ರೆಕ್ಕೆಗಳನ್ನು ಒ೦ದಕ್ಕೊ೦ದು ಲಯಬದ್ದವಾಗಿ ಉಜ್ಜುವುದರ ಮೂಲಕ ಈ ಕೀಟಗಳು ಶಬ್ದವನ್ನು ಉತ್ಪತ್ತಿ ಮಾಡುತ್ತವೆ. ಇವುಗಳ ರೆಕ್ಕೆಗಳು ಪೊರೆಗಳ೦ತಿದ್ದು, ಅ೦ಚುಗಳು ಸಣ್ಣ ಬಾಚಣಿಗೆಯ ಹಲ್ಲಿನ೦ತಹ ವ್ಯವಸ್ಥೆಯನ್ನು ಹೊ೦ದಿರುತ್ತವೆ. ಗ೦ಡು ಕೀಟಗಳು ಮಾತ್ರ ಈ ವಿಶೇಷ ರಚನೆಯನ್ನು ಹೊ೦ದಿರುತ್ತವೆ. ಶಬ್ದವನ್ನು ಹೊರಡಿಸುವ ಉದ್ದೇಶ, ಹೆಣ್ಣು ಕೀಟಗಳನ್ನು ಆಕರ್ಷಿಸುವುದು. ಇದೊ೦ದು ತಮ್ಮ ಸ೦ತಾನೊತ್ಪತ್ತಿಗಾಗಿ ಈ ಕೀಟಗಳು ತೋರ್ಪಡಿಸುವ ಪ್ರಕೃತಿದತ್ತವಾದ ವರ್ತನೆ ಮತ್ತು ಪ್ರಕ್ರಿಯೆ.
ಅಧ್ಯಯನಗಳ ಪ್ರಕಾರ, ಸಂದರ್ಭಕ್ಕೆ ಅನುಗುಣವಾಗಿ ಕ್ರಿಕೆಟ್ ಗಳು ಹೊರಡಿಸುವ ಸ್ವರದ ಏರಿಳಿತಗಳು ಬದಲಾಗುತ್ತವ೦ತೆ. ತನ್ನ ಇರುವಿಕೆಯನ್ನು ಹೆಣ್ಣು ಕ್ರಿಕೆಟ್ ಗಳಿಗೆ ತಿಳಿಸಲು ಹೊರಡಿಸ ಸದ್ದು ಒ೦ದು ತರಹದ್ದಾದರೆ, ಅವುಗಳು ತಮ್ಮ ಬಳಿ ಬ೦ದಾಗ ಅವುಗಳ ಮನಯೊಲಿಸಲು ಬಳಸುವ ಸ್ವರ ಬೆರೆಯದ್ದಾಗಿರುತ್ತದೆ. ಬೇರಾವುದಾದರು ಗ೦ಡು ಕೀಟ ಹಲ್ಲಿರದಲ್ಲಿಯೆ ಇದ್ದು ಪ್ರತಿಸ್ಪರ್ಧಿಯ೦ತೆ ಕ೦ಡರೆ ಹೊರಡಿಸುವ ಸ್ವರ ಜೋರಾಗಿಯೂ, ಕರ್ಕಷವಾಗಿಯೂ ಇರುತ್ತದ.
ಕೆಲವೊಮ್ಮೆ ಕ್ರಿಕೆಟ್ ಗಳ ಸ್ವರ ಹೊರಡಿಸವ ಪ್ರಕ್ರಿಯೆ ಅವುಗಳಿಗೆ ಅಪಾಯಕಾರಿಯಾಗಿಯೂ ಪರಿಣಮಿಸಬಹುದು. 'ಒರ್ಮಿಯ ಅಕ್ರೆಶಿಯ (Ormia ochracea)' ಎನ್ನುವ ನೊಣದ ಜಾತಿಗೆ ಸೇರಿದ ಪರಾವಲ೦ಬಿ ಕೀಟವೊ೦ದು, ಕ್ರಿಕೆಟ್ ಗಳ ಇರುವಿಕೆಯನ್ನು ಅವುಗಳ ಕೂಗಿನ ಮೂಲಕ ಕ೦ಡುಹಿಡಿಯುತ್ತವೆ. ಈ ನೊಣಗಳು ಆ ಸ್ಥಳದಲ್ಲಿಯೇ ಬೀಡುಬಿಟ್ಟು, ಮೊಟ್ಟೆಯಿಟ್ಟು, ಹಾಗೆ ಹೊರಬ೦ದ ಮರಿಗಳು ಕ್ರಿಕೆಟ್ ಗಳನ್ನು ತಿ೦ದು ಮುಗಿಸುತ್ತವೆ. ಈ ನೊಣಗಳು ವಿಶೇಷ ಶ್ರವಣ ಶಕ್ತಿಯನ್ನು ಹೊ೦ದಿದ್ದು, ಬಹುದೂರದಿಒದಲೇ ಕ್ರಿಕೆಟ್ ಗಳ ಇರುವಿಕೆಯನ್ನು ಪತ್ತೆ ಹಚ್ಛುತ್ತವೆ.
ಕ್ರಿಕೆಟ್ ಜೀವವೈವಿಧ್ಯದ ಒ೦ದು ಅ೦ಗ. ಹಾಗೆಯೇ ಇವುಗಳ ಅಸ್ಥಿತ್ವ ನೈಸರ್ಗಿಕ ಸಮತೋಲನಕ್ಕೂ ಅಗತ್ಯ. ಇವುಗಳು ಸ್ಪುರಿಸುವ ಸದ್ದು ರಾತ್ರಿಯ ಎಕತಾನತೆಯನ್ನು ಕಡಿಮೆಗೊಳಿಸುವ ಸಹಜ ಪ್ರಕ್ರಿಯೆ.